കുഞ്ഞുണ്ണി മാമുണ്ണാന്‍ വേണ്ടിയമ്മ
അമ്പിളിമാമനെ പിടിക്കാന്‍ പോയി
അയ്യയ്യോ കിട്ടുന്നില്ലെന്നോമനെ
എന്നു വിലപിച്ചു പാവമമ്മ
ഒന്നുടെ ചാടി നോക്കെന്‍റെയമ്മേ
എന്നോതി നില്‍ക്കുന്നു പിഞ്ചു പൈതല്‍
ഇല്ലില്ല പറ്റില്ല എന്‍റെയുണ്ണി
അമ്മക്കതെത്തില്ല എന്‍റെ പൊന്നെ
എന്നാല്‍ ഞാന്‍ നോക്കട്ടെ എന്റെയമ്മേ
എന്നോതി കുഞ്ഞുണ്ണി ചാടിയതാ
ഇല്ലില്ല കിട്ടില്ല ഉണ്ണിക്കുട്ടാ
മാമുണ്ട് വലുതായി ചാടി നോക്ക്
കുഞ്ഞുണ്ണി മാമു മുഴുവനുണ്ട്‌
കയ്യുംകഴുകിയങ്ങോടി വന്നു
അപ്പോളോ അമ്പിളിയോളിച്ചിരുന്നു
മേഘപ്പുതപ്പിന്നടിയില്‍ കേറി
.jpg)
.jpg)
