നിങളുടെ അഭിപ്രായങ്ങള്‍ പ്രതീക്ഷിക്കുന്നു ഒപ്പം നിര്‍ദേശങ്ങളും mail me @ rrenjunair1984@gmail.com .

.

2013, ജൂലൈ 8, തിങ്കളാഴ്‌ച

മൊബൈല്‍ പ്രണയം


എപ്പോളും മുഴങ്ങിയിരുന്ന 
മൊബൈലിനു ഇന്ന് വിശ്രമം 
അമ്മ പറഞ്ഞു 
ഹോ എന്തൊരാശ്വാസം ?

എപ്പോളും ഫോണ്‍ വിളിയിലായിരുന്ന 
എനിക്കിന്നു മൌനം 
മേലുദ്യോഗസ്ടന്‍ ചോദിച്ചു  
നീ നന്നായോ ?

എപ്പോളും ബിസി ടോണ്‍ കേള്‍പ്പിക്കുന്ന 
നമ്പര്‍ ഇന്ന് ബിസിയല്ല 
സുഹൃത്ത് ചോദിച്ചു 
എന്തു പറ്റി ?

ഈ ചോദ്യങ്ങള്‍ക്കുത്തരം 
കിട്ടാനായി ഞാനും 
വിളിച്ചു കൊണ്ടേയിരുന്നു 
ഒരേയൊരു നമ്പറിലേക്ക് .

അപ്പോളൊക്കെ ദൂരെയൊരിടത്ത് 
ഇനിയൊരിക്കലും സംസാരിക്കാനാവാതെ 
ചിതറിത്തെറിച്ചു കിടന്ന ശരീരത്തിനരികെ 
ഒരു മൊബൈല്‍ ഫോണ്‍ മാത്രം 
നിര്‍ത്താതെ അടിച്ചു കൊണ്ടിരുന്നു ..


Translate