ഉണ്ണിക്കവിതകള്‍ (ഹൈക്കു പോയംസ് ) -3

ചൂടുകല്ലിന്‍  ചുംബനം 

മാവിന്‍റെ ശീല്‍ക്കാരം 

ദോശയുടെ പിറവി   

================

പ്രഭാതസവാരി 

കോടമഞ്ഞിലലിയു

മാള്‍രൂപങ്ങള്‍ 

================

ഗുല്‍മോഹറുകള്‍ 

രാജവീഥികളില്‍ 

പട്ട് വിരിച്ച് 

================
പടക്കം 

പൊട്ടിച്ചിറങ്ങി വന്നു 

ആയിരം വര്‍ണ്ണമിന്നാമിന്നികള്‍ 

================

വിഷാദന്‍ 

ഇലത്തുംമ്പിലൊറുമ്പ് 

ആകാശമിനിയുമകലെ 

================

കടലോരം 

പരസ്പരമോട്ടി 

പ്രണയിനികള്‍ 

================

വഴി വിളക്കില്‍ 

ചുംബിച്ചോടുങ്ങും 

ഈയാംപാറ്റകള്‍ 

================

തിര തിരയുന്നു 

മണലില്‍ മറഞ്ഞ 

മുത്തിനായ് 

================

ചിലന്തിവല 

മഞ്ഞു മുത്തുകള്‍ 

കൊരുത്ത് 

================

മയിലുകള്‍ 

പീലികളില്‍ 

മഴവില്ലോളിപ്പിച്ച് 

=================

കളിമണ്ണ് 

കലമാകുന്നു 

കൈകള്‍ക്കിടയിലൂടെ 

=================

കുമിളകള്‍ 

സ്വതന്ത്രരാക്കി

കല്ലിന്‍ മുങ്ങിമരണം 

=================

കമ്പിത്തിരി 

എരിഞ്ഞോടുങ്ങുന്നു 

കുഞ്ഞിക്കണ്ണുകളില്‍ 

=================

ഉണ്ണിക്കവിതകള്‍ (ഹൈക്കു പോയംസ് ) -2

ഇരുളിമയിലലിഞ്ഞു 
രാമഴയുടെ 
വെള്ളി മുത്തുകള്‍
================= വഴി വിളക്കില്‍ 

ചുംബിച്ചോടുങ്ങും 

ഈയാംപാറ്റകള്‍ 

====================

രാമഴ 

വിളക്കില്‍ തെളിഞ്ഞു 

ഇരുട്ടിലലിഞ്ഞു 

=================

ചാരുകസേര 

അനാഥമായ് 

പൂമുഖത്ത്  

വെയില്‍ കായുന്നു 

=================

പപ്പടം 

പൊങ്ങുന്നു എണ്ണയില്‍ 

കൂടെ പൊങ്ങുന്നു

കുഞ്ഞിളം കൈ 

=================

കൊന്നമണിക്കുലകള്‍ 

തിളങ്ങുന്നു 

സ്വര്‍ണ വെയിലില്‍ 

=================

പാദപ്പൂവുകള്‍ 

 മഴ നനഞ്ഞ  

മണ്ണിന്‍ മാറില്‍ 

=================

അനാഥയായ് 

കുഞ്ഞിക്കുട

പുഴ തന്ന ദുഖം 

=================

ചന്ദ്രന്‍ 

പ്രണയാതുരന്‍ 

ആമ്പലുമായ് കുളത്തില്‍

=================

പുതുമഴ

നാണിച്ചു  കളം വരയ്ക്കുന്നു

ജന്നല്‍ പാളിയില്‍ 

==================

വെണ്ണയുരുകുന്നു 

വെയിലിന്‍ 

ചിരിയില്‍

ഉണ്ണിക്കവിതകള്‍ (ഹൈക്കു പോയംസ് ) - 1

കാറ്റത്താടും

മാമ്പഴം

കൂടെയാടുന്നു കണ്ണുകള്‍ 

========================
എന്‍ കൈവിരലാല്‍ 
പാളം തെറ്റും 
ഉറുമ്പ് തീവണ്ടി
==============
സൂര്യ ചുംബനം 
ചുവന്നു തുടുത്ത് 
മാജിക് റോസ
=================
ഇടവഴി 
കാറ്റിനു പുറകെയോടുന്നു 
കരിയിലക്കൂട്ടം 
=================

മരിച്ച നിളയുടെ ഓര്‍മയുമായ്‌ 
പുഴക്കഷ്ണങ്ങള്‍ 
ട്രെയിന്‍കാഴ്ച

==================
തൃസന്ധ്യ 
ചുവന്നുതുടുത്തൊരു ഓറഞ്ച് 
കടലില്‍ മുങ്ങിപ്പോയി
==================
മരങ്ങള്‍ക്കിടയിലുടെ 
ടോര്‍ച്ചു മിന്നിച്ചു കളിക്കുന്നു 
ബാലര്‍ക്കന്‍
==================
അലസ രാവ് 
മഞ്ഞു പൂക്കള്‍ പെയ്യുന്നു 
കൂടെ നിലാവും 

=================

വഴിയരുകില്‍ ശ്വാസം വലിക്കുന്നൊരു വിഴുപ്പുഭാണ്ഡം 
അരികിലൊരു പിച്ചച്ചട്ടിയും 
വാറു പൊട്ടിയ വള്ളിച്ചെരുപ്പും

================

http://mydreams-renju.blogspot.in/2013/04/blog-post.html

ഹൈക്കു കവിതകള്‍

കളി കഴിഞ്ഞു 
ചായം കഴുകും 
കഥകളിക്കാരന്‍ അസ്തമയ സൂര്യന്‍
==========
കുളത്തില്‍ കാല്‍ വഴുതി 
വീണോരമ്പിളി 
പൊട്ടിച്ചിതറിച്ചോരു തവളച്ചാട്ടം

===========
വിണ്ണിന്‍ പുടവ-
യഴിഞ്ഞു വീഴുന്നു 
മഴയായ് മണ്ണിലലിയാന്‍ 
==========
എന്‍ കൈകളിലൊതുങ്ങാതെ 

യൊരു മഴയുര്‍ന്നു 

താഴേക്ക്‌ 

===============

മേഘത്തിന്‍ കെട്ടഴിഞ്ഞു 

മഴനൂലുകള്‍ 

താഴേക്ക്‌ 

=================

ഒരു കുതിപ്പ് 
കുളത്തി നൊരായിരം വളകള്‍ 
പൊന്‍ മാനിനൊരു മീനും

===============
ഇലത്തോണിയിലൊരു 
ഉറുമ്പിന്‍ കൂട്ടം 
അഭയാര്‍ഥികള്‍
===============
തിളച്ചു തൂവി 
കരിഞ്ഞൊരു നിലാവ് 
അമാവാസി
===============
മിന്നല്‍പ്പിണറുകകള്‍ 
നക്കിക്കുടിച്ചു 
മണ്ണിന്‍ വെളിച്ചം
===============
അരിമണികള്‍ വിതറും

കുഞ്ഞിളം കൈ

അതിന്നടിയിലൊരു മീന്‍ തുള്ളല്‍ 

=====================
വെയില്‍പ്പൂക്കള്‍ 
മഴനൂലാല്‍ കോര്‍ത്തൊരു
 മാരിവില്ല്
==================

വെയില്‍ സൂചി 
മഴനൂലാല്‍ തുന്നിയ 
കുറുക്കന്‍റെ കല്യാണപ്പന്തല്‍
=================
അരിമണികള്‍ വിതറും
കുഞ്ഞിളം കൈ 
അതിന്നടിയിലൊരു മീന്‍ തുള്ളല്‍
==================
കാന്‍സര്‍ ആയി വേനല്‍ 
രോഗിയായി പുഴ 
കാരണമായി മനുഷ്യനും
==============

മഴത്തുള്ളികള്‍

ഭുമിയെ പുല്‍കി മരിക്കും
ക്ഷണിക ജീവിതങ്ങള്‍
മഴത്തുള്ളികള്‍

കളിയാട്ടക്കാലം

കാവുകളുണരുകയായ്
കൂടെ ചെണ്ടമേളവും 
കാല്‍ ചിലമ്പുകളും

photo:  Dileep narayanan https://www.facebook.com/dileeptkpr

കൂട്ട്

നിലാവ് പരന്നൊഴുകിയ രാവില്‍ 
എനിക്ക് കൂട്ടായ്
നിന്നോര്‍മകളും നമ്മുടെ പൈതലും

ഒരു മഴത്തുള്ളിയുടെ സമാധി

ഒരു മഴത്തുള്ളിയെന്‍ 
നെറുകയില്‍ ചുംബിച്ച-
ലിഞ്ഞില്ലതെയായ്.. 

തൊട്ടാവാടി പെണ്ണ്

പെരുമഴയത്ത് മുടി കഴുകി 
വെയിലത്തുണക്കി 
കാത്തിരുന്നൊരു തൊട്ടാവാടി പെണ്ണ്......


touch-me-not waits,

having washed her hair in torrential rain

and dried it in the sun(translated by Anitha varma)

അമ്പിളിക്കുഞ്ഞ്

=================
കൈക്കുടന്നയില്‍ കോരിയ വെള്ളത്തില്‍
കുടിങ്ങിപ്പോയ്
അമ്പിളിക്കുഞ്ഞ്

ഒരു പുഴ ജനിക്കുന്നു

====================
എന്‍ മുടിതുമ്പിലൂടിറ്റും 
നീര്‍ത്തുള്ളികളൊരു പുഴയായ്
താഴേക്ക്.


.

ഉണ്ണിയുടെ ഓര്‍മയ്ക്ക്

അമ്മയുടെ കണ്ണീരും മുറ്റത്തെ മാമ്പഴവും 
പൊഴിഞ്ഞു കൊണ്ടേയിരുന്നു 
ഉണ്ണിയുടെ ഓര്‍മകളില്‍ 

തുലാമഴ

ആദിത്യന്‍ കാര്‍മേഘപ്പുതപ്പിനടിയിലോളിച്ചു 
അവനെ കാണാതെ തുലാമഴ ഉറക്കെ കരഞ്ഞു 
അത് കാണാനാവാതെ കുഞ്ഞുപൂചെടി തല താഴ്ത്തി

കുട്ടിക്കവിതകള്‍

കഥ മാറാതെ 
ഉടുപ്പ് മാറി 
വരുന്ന പ്രണയങ്ങള്‍
================
ഒരു പല്ലില്ലാ  ചിരിയില്‍  
മാഞ്ഞു പോം 
അമ്മക്കണ്ണീര്‍
================
ആകാശത്തിന്റെ കണ്ണീരില്‍ 
ആനന്ദ നൃത്തമാടുന്ന 
ആണ്‍ മയില്‍
=================
തുലാ മഴയിലെ വെള്ളിടിയില്‍ 
പിടഞ്ഞെഴുല്‍ന്നെല്പ്പു 
പുല്‍നാമ്പുകള്‍